EMF- የአቶ መለስ ዜናዊ ባለቤት ወ/ሮ  አዜብ መስፍንን ጨምሮ ከፍተኛ የህወሃት ባለስልጣናት ልጆቻቸውን፣ ንብረት እና የሃገሪቱን ሃብት በገፍ ወደ ውጭእያሸሹ መሆናቸውን
ጉዳዩ እያሳሰባቸው ያሉ የመንግስት ሰራተኞች በተለይ ለኢ . ኤም . ኤፍ አስታውቁ ::ውስጥ አዋቂዎችን ዋቢ ያደረገው ለኢ . ኤም . ኤፍ የደረሰው መረጃ እንደሚያመለክተው፣
ወ /ሮ አዜብ መስፍን ከሃገሪቱ የዘረፉትን ሃብት ወደ ውጭ ለማጓጓዝየግል አውሮፕላን የተመደበላቸው መሆኑን ይገልጻል :: 
ወ /ሮ አዜብ ባለፉት ሁለት ወራት ብቻ ለአራተኛ ጊዜ ወደ ጣልያን፣ዱባይ እና እንግሊዝ ንብረት ይዘውበግል አውሮፕላን መጓጓዛቸውን መረጃው ጠቁሟል ::
ከፍተኛ የህወሃት ባለስልጣናት በሙሉ ልጆቻቸውን በትምህርት ሰበብ ወደ እስያ፣ አውሮፓ እና ሰሜን አሜሪካ መላካቸውን የሚጠቁመው ይህ መረጃ፣
ባለፉትሁለት እና ሶስት ወራት ደግሞ እድሜያቸው ለትምህርት ያልደረሱ የባለስልጣናቱ ልጆችም ጭምር ከሃገር እንዲወጡ እየተደረገ ነው ::
በጥቁር እየተካሄደ ያለው የውጭ ምንዛሪ በስፋት እየተካሄደ ሲሆን ምንዛሪውን እያጧጧፉት ያሉት ባለስልጣናቱ ናቸው እንደ መረጃው ::
የአቶ መለስመስተዳደር በጥቁር እየተካሄደ ያለውን የውጭ ምንዛሪ አጥፍቻለሁ ብሎ እንደነበር ይታወቃል ::
ከአዲስ አበባ በሚመጡ ዘገባዎች መሰረት የአንድ ኤሮ ምንዛሪበጥቁር ገበያ 30 ብር ደርሷል ::
ቡና በኪሎ ከ 10 ብር በአንድ ሳምንት ጊዜ ውስጥ 100 ብር ገብቷል ::
በሃገር ውስጥ የሚመረት ቡና በአንድ ጊዜ በአስር እጥፍ እንዲያድግ የሆነበት ምክንያትየተጠቃሚው ህዝብ ቁጥር
በመጨመሩ ወይንም ደግሞ በብር የመግዛት አቅም መቀነስ አይደለም :: የቡናን ምርት በቀጥታ የሚቆጣጠሩት
እና ወደ ውጭ ብቻበመላክ የውጭ ምንዛሪ ለማካበት የንግዱን ዘርፍ በሞኖፖል የያዙት ወይዘሮ አዜብ ናቸው – እንደደረሰን መረጃ :: ወ /ሮ አዜብ በመቶ ቶን የሚቆጠር የቡናምርትን በካዝና እየተከማቸ ወደ ውጭ ብቻ እንዲላክ በማድረግ ላይ ናቸው ::
የህወሃት ባለስልጣናት፣ በስራቸው በሚያስተዳድሯቸው ልዩ -ልዩ ኩባንያዎች የውጭ ምንዛሪ ለማካበት ከፍተኛ ጥረት በማድረግ ላይ መሆናቸውንም የደረሰንመረጃ ይጠቁማል ::
ባለስልጣናቱ ከቡና በተጨማሪ የአትክልት ምርቶችን፣ ስኳር እና ዘይትንም በስፋት ወደ ውጭ መላኩን ተያይዘውታል ::
በሃገር ከሚመረቱት የፍጆት ምርቶች ውስጥ ስኳር እና ዘይት ለግዢ እንኳን ከገበያ ጠፍተዋል :: በአሁኑ ሰዓት ከወያኔ ባለስልጣናት በስተቀር
ማንኛውም የሀገሪቱዜጋ በተለይ ስኳር እና ዘይት ከገበያ ገዝቶ ለመጠቀም እንደማይችል አንዳንድ የዜና ምንጮች ይፋ አድርገዋል።
ከአዲስ አበባ ውጭ ያሉ ኢትዮጵያውያንስኳር እና ዘይት መጠቀም ካቆሙም ሰንብተዋል ::
በህዝብ መጓጓዣ ላይ እስከ 2 ብር የዋጋ ጭማሪ ተደርጓል። ይህም የሆነበት ምክንያት የአንድ ሊትር ቤንዚን ዋጋ በፊት
ሲሸጥበት ከነበረው 16 ብር ከ 50 ሳ .ወደ 18 ብር ከ 33 ሳ . በማሻቀቡ ነው፡፡ የትራንስፖርት ዋጋ መጨመርን ተከትሎም በበርካታ ሸቀጦች ላይ የዋጋ ጭማሪ እየታየ በመምጠቱ የህዝቡን ኑሮ የባሰአስከፊ አድርጎታል፡፡
አንድ ሃገር ቀውስ ውስጥ ሲገባ መንግስት መፍትሄ አፍላቂ መሆን ነበረበት :: በኢትዮጵያ ግን እየታየ ያለው የመለስ ስርዓት ለችግሩ መፍትሄ
ከመፈለግ ይልቅየችግሩ አፍላቂ እንደሆነ ነው መረጃዎቹ የሚጠቁሙት ::
እየከፋ የመጣው የኑሮ ውድነቱ፣ ከስራ አጥነቱና አፈናው ጋር ተያይዞ በኢትዮጵያ በሚያስፈራ መልኩ እያበጠ ያለ የህዝብ አመጽ ምልክት ይታያል።
ተመሳሳይችግር ያፈራው የሰሜን አፍሪካው አብዮትም የህዝቡ አበይት የመወያያ አጀንዳ ሆኗል።
ወያኔ ሃገሪቱን ሃብት ሲዘርፍ፣ ህዝቡን ሲያፍን፣ የፈለገውን ህግ እና አዋጅ ሲያወጣ ህዝቡ ግን ዝም ብሏል ::
ያሁኑ ንቀት ግን በህዝቡ የመኖር እና ያለመኖር: የህልውና ጥያቄ በመሆኑ ህዝቡ በቃ የሚልበት ወቅት ይመስላል :: …
ጥያቄው ያለው ይህ የይብቃ መልእክት መቼ እና እንዴት ይሆናል የሚለው ነው ::
Advertisements