ዛሬ ስምስት አመት ገደማ፣ ዝነኛ የሩጫ ባለሙያ ኃይሌ ገ/ሥላሴ ከተወሰነ ጊዜ በኋላ ወደ ፖለቲከኛነትእቀየሳለሁ ሲል ተደምጧል፡፡
ኃይሌ ብቻም ሳይሆን ታዋቂው የኢትዮ ሳውዲ ቱጃር ሼክ ሙሐመድአላሙዲን በ1997 ዓ.ም ከመቅጽፈት ወደ ፖለቲከኛነት ተቀይረው ነበር፡፡
ከተዋንያኑና ከመድረክሙያተኞቹ እነ ደበበ እሸቱ፣ ታማኝ በየነ፣ ሰለሞን ተካልኝ፣ ነዋይ ደበበና ቴዎድሮስ ካሳሁን(ቴዴ አፍሮ)
ከመቅጽፈት ከተዋቂዎቹ አደባባይ ወደ ፖለቲካ መድረክ ላይ ሊገቡ ሲሞክሩ አይተናል፤ ታዝበናል፡፡  ከኃይሌገ/ሥላሴ በስተቀር ሌሎቹ ተዋቂዎች
 በቀጥታም ይሁን በተዘዋዋሪ የአንድ የፖለቲካ ቡድን፣ ወይ ፓርቲ ደጋፊወይም ቲፎዞ መሆናቸው የአደባባይ ሚስጢር ነው፡፡ መሆን መብታቸው ነው፤
 ቢባልም እንኳየተሰማሩባቸው የሙያ መስኮች  ግን የሁሉም ሕዝብ የጋራ ንብረቶች ስለሆኑ እንደ ቀይ መስቀልና ቀይጨረቃ (ቢያንስ በመርህ ደረጃ)
ነፃና ገለልተኛ ቢሆኑ ይመከራል፡፡ እንኳን እንደኢትዮጵያ ባሉ ከመሳፍንትናከመኳንንት አገዛዝ ወደ ብልጣብልጦቹ የፖለቲካ ስልጣን ቁማር
 የተሸጋገረችውን ቀርቶ፣ በፖለቲካው መስክረጅም ታሪክ ባሳለፉት የምዕራብ አውሮፓ ሀገራትም ቢሆን ዝነኞቹ የፖለቲካውን መስመር በጥንቃቅ ነው የሚያዩት፡፡
 ተጠንቅቀው፣ ተቆጥበው፣ ለረጅም ጊዜ አማራጮቻቸውን ሁሉ መርምረውና አስልተው ነውየሚቀላቀሉት፡፡ (አለበለዚያ ግን እንደ ዶሚኒክ
 እስትራውስ ቅሌት ላይ የወድቃሉ፡፡ ሊያውም በአፀያፊ -የአስገድዶ መድፈር ጉዳይ ተጠርጥረው ዘብጥያ መውረዳቸው አይቀርላቸውም፡፡
….ሰዓሊነነ-ቅድስት እንበልሦስት ጊዜ!!!)
በእኛም ሆነ በአንዳንድ ታዳጊ ሃገራት ያሉ ዝነኛ ሰዎች፣ በመገናኛ ብዙሃኑና በዲፕሎማቲክ ኮሚኒቲውአካባቢው ባሉ ሰዎች ስለታወቁ
 ያንን እንደፖለቲካ ቀብድ (መለኪያ መስፈርት) ወስደው ሊጠቀሙ ሲሞክሩአስተውለናል፡፡ የመገናኛ ብዙሃኑም ሆነ ሌሎቹም ግብአቶች
 ፋይዳ የላቸውም ማለታችን ሳይሆን ግማሽ ጌጥናቸው፡፡ ስለሆነም  በአቋራጭ ፖለቲከኛ ለመሆን ለሚሹትና በየአደባባዩ ላይ ላሉት ዝነኞች
(ለዩኒቨርስቲፕሮፈሰሮችም ጭምር ድፍረት ካልሆነብኝ) ለዝነኛ ሐኪሞች፣ ለዘፋኞች፣ ለአትሌቶች፣ ለተዋንያን፣ ለጦርሜዳ ጀግኖች፣
ለወሬ አሩጥ ጋዜጠኞችም ቢሆን የሚከተሉትን ስድስት ነጥቦች እንዲያጤኗቸው እንሆኝብያለሁ፡፡
1.  ራስዎን አይመርጡምማነው የሚመርጦት?
ወደ ፖለቲከኛነት ሲያሳብሩ ሁነኛ የፖለቲካ ፓርቲ አባል መሆን ያስፈልጎታል፡፡ ፖለቲከኛነት ያሰኘው ግለሰብአሉ የተባትን የአካባቢው ነዋሪዎች ሊያውቅ ቢችል፤
 እና በይበልጥም በየመንገዱ ጥግና ዳርቻ በየግል ኪራይቤት ስርቻ ያሉት መራጮች ናቸው እና እንዲመረጥ ወይም እንዲወድቅ የሚወስኑት ጠንቅቆ ወዳጅነቱን
ቢያጠናክር ይጠቅመዋል፡፡ (ይህ የእኛ ዘመን የንጉሱ “ የእንደራሴ” ምርጫ ጊዜ አይደለምና)፡፡ የመጀመሪያውየፖለቲካ ህግ መራጮች የት እንደሚገኙ ማወቅና
 የሚያስመርጠውን የፖለቲካ አጀንዳ በቅጡ ማሰናዳትነው፡፡ የፖለቲካ ፓርቲውም የምርጫ ማኒፌስቶ(የምረጡኝ ቃልኪዳን ሰነድ) የተመራጩን የቅስቀሳ
አጀንዳእንዲያንፀባርቅ ሆኖ ወረዳ ውስጥ ያሉትን የተለያየ አመለካከትና አቋም ያላቸው ወገኖች ፍላጎት የሚስብ ሆኖመረቀቅ አለበት፡፡ ተወዳዳሪ ፖለቲከኛ ያለፓርቲ
 ደጀንነት ወደ ምክር ቤት ከሚገባ ይልቅ ሹራቡንናሰደርያውን አውልቆ ወደ ንግድ ምክር ቤት ክበብ ቢገባ ይቀለዋል፡፡
አስረግጦ ለመናገር ያህል የፖለቲካ ፓርቲ አባልነት ለግለሰቡ፣ ከተናዳፊ የአርበኞች፣ ካሽሟጣጭ ሴቶች፣ከመሰሪ የሌሎች የፖለቲካ ፓርቲ ድጋፍ ሰጪ
 ተቋማትና ማህበራት ይጠብቀዋል፡፡ ተወዳዳሪው ለክልልፕሬዝዳንትነት ወይም አፈ ጉባኤነት አልያም ለሚቋቋመው መንግስት የካቢኔ አባልነት እስካልቋመጠ
 ድረስየግል አመለካከቱም ሆነ የግል ፍልስፍና የፈለገው ቢሆን ፓርቲው “ጥላ ከለላ” ይሆነዋል፡፡
አሁንም ለማስረገጥ ያህል የፖለቲካ ፓርቲ የብዙሀኑን መራጭ ምኞትና ተምኔት የሚፃረር ሁኔታ የግል አቋሞችያሉትን ተመራጭ አይታገስም፡፡ ለምሳሌ
 ያህል የአሰሪና ሰራተኛ ህግን ፈፅሞ የሚቃወምን ተመራጭየፓርቲው ስራ አስፈፃሚው ባይፈልገው ለብዙሃኑ መራጮች ዋስትና ነው እንጂ የግለሰቡ ኃሳብ
 ስህተት ነውማለት አይደለም፡፡ ከአንዳንድ ጀማሪ ፖለቲከኞች ከላይ የጠቀስነው መሰል እንግዳ ሃሳቦችን ማዳመጥየተለመደ ነው፡፡ ሕዝቡ ለሚጠይቃቸው
ጥያቄዎች አወዛጋቢ መልሶችን መስጠት ግለሰቡን ብቻ ሳይሆንፓርቲውንም ስንኩል ያደርገዋል፡፡
ተመራጩ በምርጫው ውድድር መቀጣትን ካልፈለገ በስተቀር መራጮቹ በብዛት ወደሚደግፉት ጠንካራየፖለቲካ ፓርቲ መቀላቀል አለበት፡፡
 ይህ አይነቱ አስተውሎት ማኬቪያላዊ የፍልስፍና ድምጸት ሊሰጠውአይገባም፡፡ ግለሰቡ የለውጥ ሐዋርያ ወይም ወግ አጥባቂና ጽንፈኛ
(ወይም ለእኛ ሀገር አሰላለፍ – ብሔርተኛወይም ሕብረብሔራዊ) የመራጮቹን አመኔታ የሚያገኝበትን የምርጫ ወረዳና እዛ የሚያደርሰውን
ፓርቲማወቅ አለበት፡፡ እንበልና ተወዳዳሪው የፖለቲካ ፓርቲ አባል መሆን ፈልጎ የፓርቲዎቹን የድርጅት ጉዳይመዋቅር ተከትሎ መረጃ ለመጠየቅ
 ወደ መረጠው የፓርቲው ጽ/ቤት አመራ፡፡ የፓርቲው ተወካዩ በግብርስርዓት ስለመሬት ይዞታ መብት፣ ስለሲቪል ሰርቪስ ተሐድሶ ሂደት ላይ
 ያሎትን አቋም ሳይሆን ወይየሚናገሩትን ቋንቋና ብሔሮን ወይም የሚከተሉትን ሐይማኖትን ይጠይቆታል፡፡ የመጀመሪያውን ጥያቄየሚጠይቆት
 ከሆነ ፓርቲው የብሔር ፓርቲ ለመሆኑ ግልጽ ነው፡፡ የሚከተሉትን የሐይማኖት ተቋም የጠየቆትፓርቲ ህብረ ብሔራዊ ነው፡፡
ልዩነቱ ቋንቋዎትንና የመጡበትን ብሔር ብሔረሰብ የጠየቆት የፓርቲ ተወካይና የፖለቲካ ፓርቲ ውስጥወሳኝ የሆኑ የመደራጃ ስልቶች ስለሆኑ
 በየስብሰባውና በየመድረኩ መነሳታቸው አይቀርም፡፡ ሐይማኖቶንየጠየቆት ፓርቲ ግን ከዚያ በኋላ ስለሐይማኖት ጉዳይ አያነሳብዎትም፡፡
 ሆኖም ብልሁ የፖለቲካው የድርጅትጉዳይ ሃላፊ በስፋት እርስዎ የሚከተሉትን ሐይማኖት ተከታዮች ባሉበት የምርጫ ወረዳ ይመድብዎታል፡፡
ጀማሪው ፓለቲከኛ አወዛጋቢ የምረጡኝ ቅስቀሳዎችን በማድረግ የመውደቅ እና ያለመውደቅ እጣ ፈንታውበመራጮቹ ይወሰናል፡፡
እጩ ተመራጩ በተለያዩ እድሮች፣ እቁቦችና የሰንበቴ ወይም የአምቻ-ጋብቻ ማህበራት አባል ቢሆንይጠቅመዋል ! የግድ መሆን ግን የለበትም፡፡
 እጩው የመከላከያ ሰራዊቱ ባልደረባ የነበረ ቢሆን፣ በተለይምየሰራዊቱን መለዮና ቅጠልያ (ዥንጉርጉር) የለበሰ ቢሆን የተሻለ እድል አለው፡፡
ምክንያቱም፣ ብዙዎቹየመከላከያ ሰራዊቱ መለዮ ለባሾችም ሆኑ የሲቪል ባልደረቦች አዕምሮአቸው በወቅታዊ የፖለቲካ ጉዳዮች ላይትብ ነው፡፡
 በየትኛውም የጦር ዓውደ ግንባር ላይ ያልተሳተፉት አባላት እንኳ በረጋ ኩሬ አጠገብ ከተራቡየወባ አማጭ ትንኞች የባሰ አንዘፍዛፊ ናቸው፡፡
 የገዢው ፓርቲ ተዋጊ ሰራዊት አባላት የነበሩና በአንድ ወይምበሌላ ምክንያት ከሰራዊቱ ተቀንሰው የቀበሌ ወይም የወረዳ፣ ወይም የዞን ስራ አስፈፃሚ
 የሆኑ ታጋዮችንማማለል ባይችልና ባይመረጥ እድሉን ማማረር የለበትም፡፡ እነዚህ ወገኖች እንዲሰፍን የሚሹት ስርዓትአገልግሎታቸውንና እንግልታቸውን
 ከውስጥ ሆኖ የሚያውቅላቸውን እጬ እንጂ ከዳር ቆሞ የሚያጋፍርብልጣ ብልጥን አይደለም፡፡ በአጠቃላይ፣ እጩ ተመራጩ ምርጫውን በድል እንዲወጣ
የሚያደርጉትንመራጮች ማንነትና ፍላጎታቸውን ጠልቆ ማጤን አለበት፡፡
2.  የተረጋጋ ጥሞና አለዎት እንዴ?
ብዙ ጀማሪ ወጣቶችን ወደፖለቲካው መድረክ ሊቀላቀሉ ሲያስቡ፣ በጣም የሚያሰጋቸው ነገር እንዴትአድርገው ከአንጋፋ ፖለቲከኞች ጋር መስተካከል
 እንደሚችሉ አለማወቃቸው ነው፡፡ ወደድንም ጣለንም“ፖለቲከኞች” ማለት “ምንም ትዕግስት በሌለባት ዓለም ላይ በጣም ታጋሽ” የሆኑ ሰዎች ናቸው፡፡
የሃይማኖትልዩነቱ፣ ደሃውና ሀብታሙ፣ የተማረውና ማህይማኑ፣ ዘመናዊውና ኋላቀሩ፣ ከተሜውና ባላገሩ፡- ሁሉምመራጭ በመሆናቸው የፓርቲውን እጩ
እጣፈንታ ይወስኑታል፡፡ ፖለቲከኞች ታጋሽና የተረጋጉ መሆንአለባቸው፡፡ እንደነሱ ያለ ታግሶ እድሉን በምላሱ ልሶ የሚያጣጥም አይገኝም ይሆናል፡፡
ፖለቲከኛ መሆን መቻል ወይም አለመቻልን ፈጥኖ ለማወቅ የፈለገ ካለ፣ ከድራፍት ወይም ከፉት ቤት ቀርቶየድርጀት አባላት ስብሰባ ላይ አንድ ምሽት ይሰዋ፡፡
 ያንን የታፈነ አየር ችሎ፣ ጫጫታውንና ንትርኩን ችሎ፣ተጣቦ መቀመጡንና ተጋፍቶ መቆሙን ተቋቁሞ ለሶስት ወይም ለአራት ሰዓት ከቆየና በሌላ የስብሰባ
ቀንተመልሶ ለመሄድ ከዳዳው – ማለትም – ፍቃደኝነቱና ጉጉቱ ካደረበት እርሱ ፖለቲከኛ ለመሆን ስጦታውአለው፡፡ (በሌላ ፓርቲ ትዕዛዝ የሚንቀሳቀስ –
ሰርጎ ገብ – እንኳ ቢሆን ፖለቲካ – “እንጀራው ነው!”እንላለን፡፡)መራጮች መቼም ቢሆን ወደ ተመራጩ/ ወደ ፖለቲከኛው አይሄዱም፡፡ እርስ ወደ እነርሱ
 ይሄዳል እንጂ፡፡ያኔ፣ ታዋቂ አትሌት፣ ተዋናይ፣ ድምፃዊ ወይም የጦር ሜዳ ጀግና እያለ ብዙ ሰዎች ወደ እርሱ መጥተውአድናቆታቸው ይገልጹለት እንዳልነበረ ሁሉ፣
 ዛሬ ግን እርሱ እንዲያደንቃቸው ይሻሉ፡፡ ያሉበት ድረስ ሄዶእንዲያነጋግራቸው ይፈልጋሉ፡፡ በእቁብ፣ በእድር፣ በሰንበቴ፣ በጁምዓ፣ በማህበር እና በተለያዩ ግብዣዎች
 ላይ እንዲገኝ ይጠብቃሉ፡፡ የአርበኞች ማህበራት በድል በዓል ወይም በሰማዕታት መታሰቢያ በዓላት ላይ እንዲገኝይፈልጋሉ፡፡ ብዙ ጠጅና ቢራ፣ ጥብስና ጥሬ
 ስጋ ከዳጣ ጋር እየሰነፈጠው የመክፈቻ ወይም የመዝጊያ ንግግርማድረግ ይጠበቅበታል፡፡
    እጩው የተለያዩ የምግብ ጠረኖች በሸተቱት ቁጥር የሚያቅለሸልሸውና ወደላይ ወደላይ የሚለው ከሆነ፣ጨጓራውን ሰፋ  አርጎ መገኘት አለበት፡፡
 ቢራና የፖለቲካ ስብሰባዎች ልክ እንደ በርና መቃን አይለያዩም፡፡እጩውም በቢራው ስካር ሳይረታ የብዙ ሰዎችን ስምና መልክ የማስታወስ ችሎታ
 ሊኖረው ግድ ይላል፡፡ከጠጪዎቹ ጋር ፈለገም አልፈለገም ለምርጫው ቅስቀሳ እስከሆነ ድረስ መጠጣት አለበት፡፡ ሚዛኑን ስቶእስከሚንገዳገድ ድረስ
 ቢጠጣ የነገዎቹ መራጮች አይታዘቡትም፡፡ “ከሮማውያን ጋር ስትሆን እንደሮማውያንሁን” ነውና፡፡ማንም ሆነ የትኛውም እጩ የግብዣና የመጠጥ ሰዓታት
 ዋጋ የላቸውም የሚል ከሆነ-ፖለቲከኛአለመሆኑን ይመን፡፡ እንኳን ለሚፈልገው የኃላፊነት ቢሮና ቦታ ቀርቶ፣ እጩው ለማይፈልገውም የኃላፊነትቢሮና ኃላፊነት
 ተራው ሰው ከሚያስበው በላይ ሰዓታትን ይበላል፡፡ ተቀናቃኙ የፖለቲካ ፓርቲ ጠንካራበሆነበት የምርጫ ወረዳ ላይ ከምርጫ አስተባባሪዎችና ከደጋፊዎች
 ጋር ከሶስት እስከ አምስት አስቸኳይስብሰባዎችን ማድረጉ አይቀሬ ነው፡፡ ብዙዎቹ ስብሰባዎች የሚጀመሩት አርፍደው ነው፡፡ ከ12፡30 ሰዓትጀምሮ ሲሆን
 ሰዓት ባለማክበር ደግሞ የሚስተካከለን ያለ አይመስለኝም፡፡ ዘግይቶ ከምሽቱ 2፡00 ሰዓት ላይየጀመረ ስብሰባ ደግሞ ከሌሊቱ ሰባት(7፡00) በፊት ያልቃል
ተብሎ አይጠበቅም፡፡ የምርጫው ወቅት ሲቃረብና እጩው ተመራጭም ሆነ የፖርቲው የአመራር አባላት አይናቸው እንደጎሽ ግት ቀልቶ፣ በእንቅልፍ እጦት
ስካርይዟቸው ረጋ ብለው መነጋገር ሲያቅታቸው ላየ ፓርቲው የሚከፈል (የሚሰነጠቅ) ሊመስል ይችላል፡፡
3.  ዝናን ማትረፍና እድለኝነት
አሁን ደግሞ፣ አንድ የምርጫ ዘመቻ ምን ያህል እንደሚያስወጣ እናያለን፡፡ መልሱም ከዜሮ እስከ ሚሊዮኖችሊፈጅ ይችላል፡፡ በአንድ መለስተኛ የምርጫ
ወረዳ ላይ ተወዳድረው ቢያሸንፉ የሚያገኙትን የአመትደመወዝዎን ድምር ለምርጫ ቅስቀሳው ሊያወጡ ይችላሉ፡፡ ለእጩነት ያቀረበዎት የፖለቲካ ፓርቲም
 የአንድአመት ደሞዝዎን ለምርጫ ቅስቀሳ ዘመቻ እንዲያዋጡ ይጠይቅዎታል፡፡ ይህም ገንዘብ ፓርቲዎ ለማስታወቂያ፣ለሕግ ጠበቃና ለመገናኛ ብዙሃን
የሕትመትና የአየር ሰዓት መግዣ ፈጽሞ እንደማይበቃ ይነግርዎታል፡፡
የፖለቲካ ፓርቲዎ የፖለቲካ ግብ ተሃድሶ አራማጅ ወይም የጥገና ለውጥ ማምጣት ቢሆን፣ ገንዘብ ያስፈልገዋል፡፡የትየሌሌ ገንዘብ የማሰባሰብ አቅም ያለው
 መሆን አለበት፡፡ ለማዕከል፣ ለክልል፣ ለዞንና ለወረዳ ጽ/ቤቶችኪራይ፣ ለስብሰባ አዳራሾች መከራያ፣ በጋዜጦች፣ በሬዲዮ፣ በቴሌቪዥንና በጎዳና ላይ የሚለጠፉ
ማስታወቂያዎችን መግዣ ገንዘብ ያስፈልገዋል፡፡ ከዚህ ሁሉ በላይ ግን የአንድ ፓርቲ ትልቁ (ግዙፉ) ወጭየሚሆነው፣ በምርጫው ዕለት ምርጫውን በሁሉም
 የምርጫው ጣቢያዎች ለሚታዘዙ የምርጫ ታዛቢዎች ክፍያነው፡፡ ከሶስት እስከ አምስት ታዛቢዎችን በእያንዳንዱ ፓርቲው በሚወዳደርበት የምርጫ ጣቢያ
 ላይ ከአንድመቶ እስከ ሃምሳ ብር ከፍሎ የማዋል ግዴታ አለበት፡፡ ከ47 ሺህ እስከ 50 ሺህ ለሚደርሱ የምርጫ ጣቢያዎችሶስት ሰዎች ቢኖሩ፣ ለእያንዳንዳቸውም
 አንድ መቶ ብር ቢከፈላቸው በ50ሺህ ጣቢያዎች ውስጥ (3 C 100 C50,000 = 15,000,000) አስራ አምስት ሚሊዮን ብር ለምርጫው ዕለት ብቻ
 ፓርቲው ወጪ ያደርጋል፡፡ይህም ወጪ የተቆጣጣሪዎችን የመጓጓዣና የፓርቲውን የጽህፈት ቤት የስልክና የተሽከርካሪዎች ኪራይ ወጪሳይጨምር መሆኑን
 ልብ ይሏል፡፡
ከላይ የተጠቀሰውን ያህል ወጪ የወጣበት ምርጫም በተለያዩ እንከኖች ሳቢያ ሊሳካም ላይሳካም ይችላል ፡፡ላለመሳካቱ ዋነኛ ምክንያቶች ሊሆኑ ከሚችሉት
 አንደኛው የእጩው እድለ ቢስነት ሲሆን ሁለተኛው ደግሞየእጩው ዝነኛ አለመሆን ናቸው፡፡
      4.  የማስፈራሪያና የማጭበርበርያ ምልዕክቶች ወርጅብኝ
የውጭ አገር ጋዜጣ አዘጋጆች ለእጩው አስቸጋሪ ሲሆኑ የሀገር ውስጥ ጋዜጣ አዘጋጆች ደግሞ የበለጡ አስቸጋሪሊሆኑ ይችላሉ ፡፡ አንድ የአስር ወይም የሃያ
 ሺህ ሳምንታዊ ሥርጭት ያለው የጋዜጣ አዘጋጅ ወኪል ወደ እጩውመጥቶ የሁለት ሺህ ወይም የአምስት ሺ ብር ግምት ያው ማስታወቂ በጋዜጣቸው ላይ
እንዲያስተዋውቅሊይጠይቀው ይችላል፡፡ እጩው ካልተስማማ ግን በጋዜጣው የርዕስ አንቀጽ ላይ አጉዳፊ የሆነ ጽሑፍእንደሚያትም ሊያስፈራራው ይችላሌ፡፡
 በማስፈራሪው ተደናግጦ ለእሁድ እትም ጋዜጣ ማስታወቂያውን የውልስምምነት ደብዳቤ  ወደ ፈቀደው ፖለቲከኛ ቢሮ ሸንቃጣ የሆኑ መልከኛ ሴቶችን ወይም ከረቫታቸውንአንገታቸው ላይ ያጠለቁ እሳት የላሱ ወንድ ማርኬተሮችን ይልካሉ፡፡ ሁሉም ማስታወቂያውን ከተከለከሉበርዕስ አንቀፆቻቸው የእጩውን ሥምና
 ክብር የሚያጎድፍ ይዘት ያለው ዘገባ እንደሚያወጡ ይዝታሉ፡፡እጩውን ይቀርባሉ ያሏቸውን ሰዎችም አማላጅ ይልካሉ፡፡ በመልዕክቶች የሚበረግግ እጩ ከሆኑ
 ለሁሉምህትመቶች በርግጎ ወይም ተጭበርብሮ ለማስታወቂያ ይከፍላል፡፡ እነዚህ ይሉኝታ ቢስና ሀፍረተቢስ የግል ጋዜጣአሳታሚዎችም ለፖለቲካ ቀመስ
ማስታዊያዎች በእጥፍ ወይም በሦስት እጥፍ አድርገው ይቸበችቡታል፡፡በመጨረሻም የተሻለ የከፈላቸውን እጩ ደግፈው የድጋፍ አቋማቸውን የሚንፀባርቅ
 (endorsement) ርዕሰአንቀጽ ሊፅፉ ይችላል፡፡
ቆዳው ስስ የሆነ ሰው ወደ ፖለቲካው ጉራ ፈፅሞ ሊገባ አይችልም ፖለቲካ ሞት ፍቅርና ጦርነት መሳ ለመሳየሚተያዩበት የጨዋታ ሜዳ ነው፡፡ እጩው እንኳን
 በእውነት ቀርቶ በሕልሙም ሊያልሟቸው የማይችላቸውቅጥፈቶችና አስመሳይ ውሸቶች ከመዳፎቹ ወይም ከጠላቶቹ ሊሰነዝሩበት ይችላሉ፡፡ ለምሳሌ እጩ
ተመራጩከቀድሞ ሚስቱ ጋር ያለውን ሰማኒያ ሳይቀድ በመዘጋጃ ቤት ሌላ ሚስት ማግባቱን አትተው ፣ ይህም በጋብቻላይ ጋብቻ የመፈጸም ወንጀል መሆኑን
 ሊዘረዝሩ ይችላሌ፡፡ ወዲያውም ደግሞ ፣ እጩው ከትዳሩ ውጭ ሁለትየብቻ ልጆ እንዳለው ወይም እንዳላት የሚገልፅ ዜና ይፃፋል፡፡ ይሄ ሁሉ ሽርጉድም ፣
 ምናልባትም ፣ እጩተመራጩ ኃላፊነትን ለመረከብ ብቃት የለውም የሚል ትርጉም እንዲኖረው ተደርጎ በርዕሱ አንቀፆች ውስጥሽፋን ይሰጠዋል ፡፡ አንድ
 ፖለቲከኛ ለመሆንና ሕዝባዊ አገልግሎት ለማበርከት የሚፈልግ ሰው ከላይለተጠቀሱት ማስፈራሪያዎችና ቅጥፈቶች ሊሰጥ የሚገባው መልሱ ንቆ መተው
ብቻ ነው፡፡ በእጩው የወደፊትስኬትም ሆነ ሥልጣን አይናቸውን የቆጦቆጣቸው ያቀነባበሩት ፍሬ ቢስ መሆኑን ተረድቶ ችላ ማለትይጠቅመዋል፡፡ ወደ
ፖለቲካው መድረክ የሚገሰግስ እጩ ተመራጭ አሉባልታዎችና ተራ የሥም ማጥፋትዘገባዎች ሲያነብም ሆነ በሬድዮና በቴሌቪዡን ሲሰማ ፈፅሞ መደናገጥ
 የለበትም፡፡ የፖለቲከኛ ቆዳውም ሆነ ልቡድርብርብ ነው እንደተራው ሰው አይደለምና፡፡
      5.  የፀጉር ሥንጠቃ እስከ ከቁንጫ መላላጫ
በፖለቲካው ዓለም ሙስና ፣ ጉቦ ፣ ታማኝነትም ሆነ ቃል አባይነት ያሉና የሚኖሩ ክስተቶች ናቸወ እነዚህኩነቶች ደግሞ በንግድ ሥራ ውስጥ የዕለት ተዕለት
ገጠመኞች ናቸወ፡፡ የፖለቲካው ዓለም አደገኛ ጨረታዎችናግብርገብነት የጎደለው ሥግብግብነቶች ይታዩበታል፡፡ አቶ ተካልኝ በሺዎች የሚቆጠር ብር ለእጩው
 የምርጫቅስቀሳ እንዲሆን ቢያዋጣ ፣ አቶ ገብሬ ደግሞ በአስር ሺዎች የሚሆን ብር ሊያዋጣና የወረዳው ወይም የክልልጠቅላይ ፍርድ ቤት ፕሬዝዳንት መሆንን
 ሊማፀን ይችላል፡፡ አቶ አብዱላኢ ደግሞ በመቶ ሺህዎች ብርለምርጫው ቅስቀሳ አዋጥቶ ፣ ፖለቲካ ሳይንስ ያጠናው ልጁን ለኩዌት ወይም ለኳታር አምባሳደር
 ሆኖእንዲሾምለት ሊጠይቅ ይችላል፡፡
በአጠቃላይ መልኩ በጣም ንቁና ፈጣን አይምሮ ያለው እጩ ፖለቲከኛ ለመዋጮዎቹና በእጁ መንሻዎቹሳይደናገጥና ሳይፈነድቅም ልክ እንደ ብልህ ነጋዴ
 ትርፍና ኪሳራውን ማስላት አለበት፡፡ እርግጥ ነው ፖለቲከኛው ጥቂት እንቅልፍ አልባ ሌሊቶችን ትርፍና ኪሳራው ሲያመዛዝን ይቆያል – እንደ ነጋዴውም
ባይሆንማለቴ ነው፡፡ መቼም ንቅዘት በንግድ ውስጥ የተንሰራፈውን ያህል በፖለቲካ ውስጥ አይኖርም፡፡ ለአብነትምያህል ፣ አንድ የፖለቲካ ፓርቲን ወክሎ
 የተመረጠ ባለሥልጣን በመሥሪያ ቤት ውስጥ ያያትን ነባርና አዲስቅጥሮች ሁሉ ለዘመዶቹ ሲሰጥ ፓርቲው በዝምታ አያየውም፡፡ አንድ የዲሬክተሮች ቦርድ
 ግን የቀጠረውን ሥራአስኪያጅ መላ ቤተሰቡን ቢሰገሥጋቸው አይቶ እንዳላየ ሊያልፈው ይችላል ፡፡ (ይህቺ ናት ንቅዘት ማለት)ነገሮችን አቻችሎ ፣ ነፍሱ በሙሉ
 ሳትሞስን ወይም በከፊል ሞስና ኃላፊነቱን አለመቻሉ  ብዙ ትችቶች ሊራገቡይችላሉ ፡፡
እጩ ተመራጩ የመጫወቻ ሜዳውን በቅጡ ለክቶና ግራ አጋቢ ያልሆነ መልሶችንና ቅሥቀሳዎችን ማድረግአለበት፡፡ የከተማው ወይም የአገሪቱ ህዝቦች ከኑሮ
 ውድነትና ከዋጋ  ግሽበት  ጣጣ እንዲወጡ ፣ የዋጋጭማሪውን እንደሚደግፉ ወይም የውጭ ምንዛሬ ማስተካካያ ቢደረግ እንደሚደግፉ መግለፅ እና የተሻለመንገድ
መፈለግና ማመላከቱ ይሻለዋል፡፡ መቻቻል ሊያመጣ የሚችል የታወቀ ቀመር ሥላሌለ እጩው ቃልንናበተግባር ሊተረጉመው የሚያቅደውን ተግባሩን በምጥን
 ወይም በብዕር ስማቸው ለሚፅፉ ተናዳፊዎችበሳምንታዊ ጋዜጦች ላይ ቁርስ ምሳና እራት መሆኑ አይቀሬ ነው፡፡
6. ከጋዜጠኞች ራስን የመጠበቅ ፋይዳ
 ጋዜጦች በነፃ መንፈስ ስለፖለተከኛው ሃሳባቸውን የመግለፅ ሙሉ መብት እንዳላቸው አንድ እጩ መዘንጋትየሌለበት     ጉዳይ ነው፡፡ መረጃዎችን ከየት እያመጡ
 ነው የሚፅፉት ሌላ የሚነሳ ጉዳይ ቢሆንም ከየትምያምጡት ያፃፉት ነገር እውነት ከሆነ መብታቸው ነው፡፡ ነገር ግን ሚድያ በብዛት የሚፈልገው መረጃተነባቢነቱን
 ሊጨምርለት የሚችል ወይም ተመልካቹን ሊጨምርለት የሚችል አነጋጋሪ የሆነ ነገር በጎም ሊሆንይችላል መጥፎ (በብዛት ወደዚኛው ማድላታቸው ዓለም አቀፋዊ
 ባህሬያቸው እየሆነ በመምጣቱ) ማነፍነፋቸውአይቀርም፡፡ አንድ የማውቀው ከፍተኛ የመንግሥት ባለሥልጣን በአንድ ወቅት ፣ በመካከለኛ የኑሮ ደረጃ ላይያለና
 ጋዜጠኞች ለይተው ሳያውቁት የሚኖር ሰው ስመለከት እንዴት እንደምቀናበት ልንገርህ አልችልም ብሎኝነበር፡፡ ከጋዜጠኞች ጋር ቁርኝት ሳይፈጥሩ የፖለቲካ ህይወት
 የአደባባይ ዝና አተርፈላሁ ብሎ የሚያስብፖለተከኛ ካለ እርሱ የሕይወት ጥሪው ሌላ መሆኑን በግዜ ማወቅ አለበት፡፡
ለአንድ ፖለቲከኛ በአደባባይ ሕይወቱና በግል ሕይወቱ ያለውን ድንበር ማንም ሊያከብረው አይፈልግም -በተለይም ጋዜጠኞች ፡፡ የአቶ ማንትሴን የ17ዓመት
ልጅ አንድ የአረብ ቱጃር ሊያገባት መሆኑ እና አባትየው አቶማንትሴም ተስማምተዋል፡፡ የሚል ዜና በቅዳሜ ጠዋት ዕትም ላይ ቢያነቡ አያስደንቅም፡፡ ልጅዎን
 መዳርም ሆነአለመዳር የግል ሕይወትዎ ቢሆንም፤ እርስዎ የ 17 ዓመት ልጅ የመዳር መብት የለዎትምና አስራ ስምንት ዓመትእስኪሞላት ጊዜ መጠበቅ
 አለብዎት፡፡ እዚህ ላይ ስም ይወጣል ከቤት ይከተላል ጎረቤት የምትባል ምርጥ አባባልአይርሱ፡፡ በጋዜጣውና በጋዜጠኞቹ ላይ ሳይሆን ፣ ወደቤተሰብዎ
ወይም ወደ ቅርብ ጓደኞችዎ በአንክሮይመልከቱ ፡፡ የወሬው ምንጮች እነርሱ ናቸው እና፡፡
የጋዜጣ አዘጋጅ የሆነ አንድ ጋዜጠኛ አንድን የአደባባይ ሰው (public man) ሊጣላው ይችላል፡፡ ስለዚህም የሆነየማጭበርበሪያ የተቀላቀለበት የግላዊ
 ህይወቱን  የሚመለከት ጥያቄ ይጠይቀዋል፡፡ ከዚያም በትክክል የመለሰውንሳይሆን ያስተባበለውን ወይም የካደውን ብቻ መርጦ ሊያትም ይችላል፡፡ ከዚያም ፣
አንድ ቀን የአዘጋጁ ጋዜጣየሚከተለውን የፊት ለፊት ዜና ይዞ ሊወጣ ይችላል፡፡ እርሶ ለገበያ ቀርበዋልና፡፡
ለምሳሌ፡ ‘የእከሌ ድርጅት ሊቀመንበር ከባለቤታቸው ጋር ሊፋቱ እንደሚችሉ ገለፁ፡፡’ በቀጣዩ ቀን ደግሞሌላው ጋዜጣ ‘የእከሌ ድርጅት ሊቀመንበር የመጨረሻ
 ልጅ ከአንዲት የ40 ዓመት ባልቴት ጋር ፍቅር ይዞታልተባለ፡፡’ በሌላኛው ቀን ደግሞ ‘አንዲት የኮሌጅ ተማሪ የፍቅር ደብዳቤ ፃፈችልኝ ሲሊ ለቅርብ ሰዎቻቸው
የእከሌ ድርጅት ሊቀመንበር ተናገሩ’ ተብሎ ቢወጣ፣ ፈፅሞ መርበድበድ ወይም ማስተባበያም መስጠትአይገባም፡፡ ትክክለኛው መልስ ሆድ ይፍጀው ነው፡፡
 (ልክ እንደጥላሁን! አንገቱን አሳርዶ ሆድ ይፈጀው ማለትአስፈላጊ ነው፡፡ የምን ጨሰ-አቧራው ጨሰ ነው ደግሞ!)
Advertisements