(ኢ.ኤም.ኤፍ) ከትላንት በስትያ፤ ምሽት ላይ ከ12 ሰዎች በላይ የገደለው የፌዴራል ፖሊስ አባል አባይ ወንዝ ውስጥ ሞቶ ተገኝቷል። የፖሊሱ ማንነት በውል ባይታወቅም በባህር ዳር ከተማ በሰፊው እየተነገረ ያለው፤ ግለሰቡ የህወሃት አባል እንደሆነና ድርጊቱን የፈጸመው፤ ሆን ብሎ በአማራ ህዝብ ላይ ያለውን ጥላቻ ለመግለጽ ነው፤ የሚለው ወሬ በሰፊው እየተናፈሰ ይገኛል። ከዚሁ ጋር ተያይዞ በፌዴራል ፖሊስ ሰበብ በከተማው በሚገኙት የሌላ ብሄር ተወላጆች ላይ ህዝቡ ቁጣውን እየገለጸ ነው። ይህንን የህዝብ ስሜት ለማብረድ እና ለማባበል በሚመስል መልኩም የፌዴራል ፖሊስ በተደጋጋሚ ይቅርታ እየጠየቀ ነው።

ገዳዩ የፌዴራል ፖሊስ ከአባይ ወንዝ ውስጥ ሞቶ ተገኝቷል

ገዳዩ የፌዴራል ፖሊስ ከአባይ ወንዝ ውስጥ ሞቶ ተገኝቷል
ከትላንት በስትያ ምሽት 2 ሰዓት ከ45 ላይ በተፈፀመው ድርጊት ከሞቱት መካከል ሴቶች ፣ ህፃናትና  አዛውንቶች ይገኙበታል ። ከተገደሉት ግለሰቦች መካከልም የሰባቱ የቀብር ስነ ስርዓት በደብረ አባይ ቅዱስ ገብርኤል ቤተክርስትያን በጋራ  ተፈፅሟል ።
በቀብር ስነ ስርዓቱ ላይ  የተገኙት የአማራ  ክልል  ርእሰ መስተዳድር  አቶ አያሌው ጎበዜ የክልሉ መንግስት የተሰማውን ጥልቅ ሀዘን በመግለፅ ለሟች ቤተሰቦች መፅናናትን ተመኝተዋል ።
የፌደራል ፖሊስ ኮሚሽን  በበኩሉ በግለሰቡ ድርጊት ህይወታቸውን ባጡ ዜጎች  ህልፈት የተሰማውን ሀዘን ገልጿል ፡፡

 

በእንዲዚህ አይነቱ  ወንጀልም በህብረተሰቡና በፖሊስ መካከል ለዓመታት የቆየው መልካም ግንኙነትም አይሻክርም ብሏል በመግለጫው፡፡

የፖሊስነት ሙያዊ ዲስፕሊን  በጎደላቸው መሰል ፖሊሶችም ይህ አይነት ክስተት ደግም እንዳይፈጠር ጥረት እንደሚያደርግ ገልጿል። ይህ ሁሉ የፌዴራል ፖሊስ ልመና ግን ለህዝቡ እምብዛም የተዋጠለት አይመስልም። ይልቁንም ሰሞኑን በህወሃት ውስጥ የተፈጠረው ሽኩቻ ያበሳጨው ሰው መሆኑ ነው በሰፊው የሚወራው። ፖሊስም ይህንን የህዝቡን ቁጣ ላለማባባስ ሲል፤ የገዳዩን ስም እና ማንነት ከመግለጽ ተቆጥቧል፡፡

Advertisements